मुंबईत रेड अलर्ट;उद्या धडकणार चक्रीवादळ
मुंबई : देशाची आर्थिक राजधानी मुंबई करोना संकटाशी सामना करत असतानाच इतिहासातील पहिलंच चक्रीवादळही आता मुंबईच्या वेशीवर दाखल झालंय. यासाठी रेड अलर्ट जारी करण्यात आला असून प्रशासनाने या चक्रीवादळाचा सामना करण्यासाठी तयारी केली आहे. मुंबईच्या कागदोपत्री इतिहासात नोंद असलेलं हे पहिलंच चक्रीवादळ आहे, ज्याचं नाव निसर्ग आहे. या नैसर्गिक संकटामुळे प्रत्येकाची चिंता वाढलेली असताना प्रशासनही दोन हात करण्यासाठी सज्ज आहे. प्रत्येक नागरिकही या संकटाच्या काळात स्वतःची काळजी घेऊन योगदान देऊ शकतो.
