राम जन्मभूमी परिसरात सापडल्या खंडित मूर्त्या आणि शिवलिंग

अयोध्या : अयोध्येत श्री राम जन्मभूमी परिसरात जमीन सपाटीकरणाचं काम सुरू आहे. याच दरम्यान राम जन्मभूमी तीर्थक्षेत्र ट्रस्टला अनेक पुरातत्व शिल्प आढळली आहेत. यामध्ये अनेक मूर्त्या, खांब आणि शिवलिंगाचा समावेश आहे. यामध्ये अनेक देवी देवतांच्या खंडित मूर्त्या, वेगवेगळ्या आकृत्यांचे आणि कलाकुसरीचे दगड, सात ब्लॅक टच स्तंभ आणि सहा लाल वाळूच्या दगडांचे स्तंभ तसंच ५ फुटांच्या आकाराचं नक्षीयुक्त शिवलिंग आहे.