होमिओपॅथीचे कोरोना प्रतिबंधक मोफत औषध वाटपाचा माजीमंत्री जयदत्त क्षीरसागरांच्या हस्ते आज प्रारंभ

प्रातिनिधिक स्वरूपात पत्रकार बांधव व डॉक्टर बांधवाना होणार वाटप

बीड- कोरोनासारख्या वैश्विक महामारीपासून बचाव करण्यासाठी व रोगप्रतिकारक शक्ती वाढवण्यासाठी आयुष मंत्रालयाने सुचवलेल्या अर्सेनिक अल्बम या औषधाचे वाटप बीड मतदारसंघातील घरोघरी असणाऱ्या पाच लाख नागरिकांना मोफत वाटप करण्याचा संकल्प माजी मंत्री जयदत्त क्षीरसागर आणि नगराध्यक्ष डॉ.भारतभूषण क्षीरसागर यांच्या वतीने काकु-नाना प्रतिषठाणने केला होता कोरोनाचा मुकाबला करण्यासाठी नागरिकांना हा मोठा दिलासा मिळणार आहे.
काकु-नाना प्रतिष्ठाण व श्री सोनाजीराव क्षीरसागर होमिओपॅथीक मेडिकल कॉलेज यांच्या माध्यमातून हे औषध तयार करण्यात आले आहे. याचे वाटप आज माजी मंत्री जयदत्त क्षीरसागर आणि डॉ.भारतभूषण क्षीरसागर यांच्या हस्ते आज के एस के महाविद्यालयात आज दि 6 शनिवार रोजी सांयकाळी 5 वाजता सभागृहात पत्रकार बांधव,डॉक्टर मंडळी यांना करण्यात येणार आहे,

बीड मतदारसंघात पाच लाख नागरिकांना हे औषध पुरवण्यात येणार आहे केंद्र व राज्य सरकारने होमिओपॅथी औषध कोरोना साथीच्या रोगाला रोखण्यासाठी उपयुक्त असल्याचे सांगितले आहे. बीड जिल्ह्यातही आता कोरोनाचा शिरकाव चालू आहे. या पार्श्वभूमीवर आदर्श शिक्षण संस्थेचे सचिव तथा माजी मंत्री जयदत्त क्षीरसागर यांनी बीड विधानसभा मतदारसंघातील सर्व कुटुंबांना मोफत औषधाचे वाटप करण्याचा निर्णय घेतला होता त्यानुसार आजपासून या औषधांचे वाटप सुरू करण्यात येत आहे अर्सेनिक औषधाच्या चार गोळ्या सकाळी सलग तीन दिवस घ्यायच्या आहेत. तसेच एक महिन्याने पुन्हा तीन दिवस याच गोळ्या घ्यायच्या आहेत. गोळ्या चालू असताना कॉफी, तंबाखू, कच्चा लसून, कांदा सेवन करू नये, औषधी घेतल्याच्या आधी व नंतर अर्धा तास काहीही सेवन करू नये.शहरातील सर्व पत्रकार बांधव ,डॉक्टर बांधव व जनतेने या औषधींचा लाभ घ्यावा असे आवाहन काकू नाना प्रतिष्ठानच्या वतीने करण्यात आले आहे