बीडचा मतदानाचा टक्का घसरला;59 टक्केच मतदान

बीड/प्रतिनिधी
नगरपालिका सार्वत्रिक निवडणुकांमध्ये बीड जिल्ह्याची आजची मतदानाची टक्केवारी लक्षात घेता सकाळी साडेसात ते साडेपाच वाजेपर्यंत जिल्ह्यात मतदान झाले असून सर्वात कमी मतदान बीड शहरात झाल्याची नोंद झाली आहे

बीड जिल्ह्यात काल 2 डिसेंबर 2025 रोजी सहा नगरपालिका निवडणुकीत परळी, अंबाजोगाई, गेवराई, धारूर आणि बीड, माजलगाव या ठिकाणी मतदान घेण्यात आले, यामध्ये सर्वाधिक मतदान गेवराई शहरात झाले असून 73.39% मतदान झाल्याची नोंद करण्यात आली आहे. गेवराई शहरात एकूण 30,0161 मतदार असून त्यापैकी 11,501 पुरुष आणि 10,631 महिला व अन्य 2 असे 22,134 मतदारांनी मतदानाचा हक्क बजावला

सर्वाधिक मतदार असलेल्या बीड शहरात एकूण 1,80658 मतदार आहेत त्यापैकी 57,087 पुरुष तर 49,464 महिला व अन्य 7 असे एकूण 1,06558 मतदारांनी मतदानाचा हक्क बजावला ही टक्केवारी 58.98 टक्के इतकी आहे त्याचबरोबर परळी शहरात एकूण 79,569 मतदार असून त्यापैकी 27,227 पुरुष तर 24,103 महिला व अन्य 2 असे 51,332 मतदारांनी मतदानाचा हक्क बजावला ही टक्केवारी 64.51% आहे अंबाजोगाई शहरात 65,641 मतदार असून 24,050 पुरुष 22127 महिला व अन्य 1 अशा 46,178 मतदारांनी मतदान केले असून ही टक्केवारी 70.35% इतके आहे किल्ले धारूर या ठिकाणी 18909 मतदार असून त्यापैकी 7257 पुरुष व 6430 महिला असे 13,687 मतदारांनी आज मतदान केले ही टक्केवारी 72.38% इतकी आहे तसेच माजलगाव शहराची मतदारांची संख्या 48,881 असून त्यापैकी 16,369 पुरुष तर 14871 महिला मतदारांनी मतदानाचा हक्क बजावला एकूण 31,241 मतदारांनी मतदान केले असून 76.42% इतके मतदान झाले आहे

बीड शहराची मतदारांची संख्या लक्षात घेता या ठिकाणी 75 टक्के मतदान होणे अपेक्षित होते मात्र या निवडणुकीत मतदारांचा फारसा उत्साह दिसून आला नाही मतदानाचा बीडचा टक्का कमी झाल्यामुळे अनेक उमेदवारांच्या चिंतेत भर पडली आहे,कालच हायकोर्टाने दिलेल्या आदेशामुळे आता ही मतमोजणी लांबणीवर पडली असून 21 डिसेंम्बर रोजी निकाल लागणार आहेत,त्यामुळे तब्बल 19 दिवस निकालाची प्रतीक्षा करावी लागणार आहे