फरार आरोपीना पकडण्यात पोलिसांना यश;विजय पवार,खाटोकर अखेर जेरबंद

बीड : शहरातील (Beed) नामांकित उमाकिरण क्लासेसमध्ये शिक्षण घेणाऱ्या अल्पवयीन विद्यार्थिनीचा छळ केल्याच्या प्रकरणात पोक्सो अंतर्गत गुन्हा दाखल झाल्यानंतर दोन दिवसांपासून (Crime) फरार असलेले प्रा. विजय पवार व खाटोकर यांना अखेर शनिवार (दि. २८) रोजी मध्यरात्री अटक करण्यात आली आहे.

स्थानिक गुन्हे शाखेच्या पथकाने (beed police) बीड तालुक्यातील मांजरसुंभा परिसरातून सापळा रचत त्यांना ताब्यात घेतले. गुन्हे शाखेचे प्रमुख शिवाजी बंटेवाड यांना सफारी गाडीतून हे दोघे जात असल्याची गोपनीय माहिती मिळाली,त्यांनी तत्काळ पथक रवाना करून दोघांनाही अटक केली.

दरम्यान शनिवारी रात्री दोन वाजताच्या सुमारास प्रशांत खाटोकर हा धाराशिव येथून पुण्याकडे मांजरसुंबा मार्गे निघाल्याची माहिती पोलिसांना मिळाली तसेच प्राध्यापक विजय पवार हा देखील नगरहून त्याला जॉईन होणार असल्याची माहिती पोलिसांना मिळाल्यानंतर तातडीने सापळा रचून या दोघांना पहाटे चार वाजण्याच्या सुमारास ताब्यात घेण्यात आले.