भीषण अपघात, स्कॉर्पिओने उडवल्याने सख्ख्या बहिणींचा मृत्यू

बीड – जिल्ह्यात मागील काही दिवसांपासून अपघाताचं सत्र सुरू आहे. आपल्या घरासमोर उभ्या असलेल्या दोन बहिणींना स्कॉर्पिओ गाडीने उडवल्याने दोघींचा मृत्यू झाला. दोघी सख्ख्या बहिणी होत्या.

मिळालेल्या माहितीनुसार, पाटोदा तालुक्यातील धनगर जवळका येथे रविवारी रात्री साडे आठच्या सुमारास घरासमोर दारात उभ्या असलेल्या दोन सख्या बहिणींना स्कार्पिओ चालकाने विरूद्ध दिशेने येत धडक दिली. अपघात एवढा भीषण होता की, स्कॉर्पिओने दोघींनी दोनशे फूट फरफटत नेले.

अपघातात दोघींचा मृत्यू झाला. तर दोन तरुण जखमी झालेत. मृत तरुणींचं नाव मोहिनी गाडेकर (27) आणि रोहिणी गाडेकर (23) अशी आहेत. दोघी रात्री घरासमोर शतपावली करत होत्या. त्याचवेळी (MH12 MR 9113) या गाडीने त्यांना धडक दिली.

दरम्यान गावकऱ्यांनी जखमींना पाटोदा ग्रामीण रुग्णालयात दाखले केले. त्यानंतर डॉक्टरांनी तरुणींना बीड जिल्हा रुग्णालयात नेण्यास सांगितले. मात्र रस्त्यातच दोघींची प्राणज्योत मावळली.