SBIकडून 44 कोटी ग्राहकांसाठी अलर्ट:कुठलाही नंबर कुणाला सांगू नका
मुंबई : तुम्ही स्टेट बँक ऑफ इंडियाचे (SBI) ग्राहक असाल तर तुमच्यासाठी खूप महत्त्वाची माहिती समोर आली आहे. देशातील सर्वात मोठी बँक स्टेट बँक ऑफ इंडिया अर्थात SBI ने आपल्या 44 कोटी ग्राहकांसाठी अलर्ट मेसेज जारी केला आहे. SBI ने नमूद केलेला कोणताही नंबर शेअर करण्यास नकार दिला आहे. बँकेने ट्विटरच्या माध्यमातून आपल्या ग्राहकांना याबाबत काळजी घेण्यास सांगितले आहे. बँकेने आपल्या पोस्टद्वारे म्हटले आहे की, फसवणूक करणारे ग्राहकांना मोफत भेटवस्तूच्या नावावर लिंक पाठवून त्यांचे वैयक्तिक तपशील चोरत आहेत.
Sharing is not always caring.
SBI says never share your bank details & ATM or UPI PINs with anyone. #SafetyFirstWithSBI#SafetyFirstWithSBI #SBI #StateBankOfIndia #StaySafe #StaySecure #BeAlert #CyberSafety #CyberSecurity pic.twitter.com/xAohwXp36P— State Bank of India (@TheOfficialSBI) November 19, 2021
तुमची जन्मतारीख, डेबिट कार्ड क्रमांक, इंटरनेट बँकिंग वापरकर्ता आयडी आणि पासवर्ड, डेबिट कार्ड पिन, सीव्हीव्ही आणि ओटीपी यांसारखे क्रमांक कोणाशीही शेअर करू नका.
याशिवाय एसबीआय, आरबीआय, सरकार, कार्यालय, पोलिस आणि केवायसी प्राधिकरणाच्या नावाने फोन कॉल्सपासून सावध रहा. याशिवाय, फोनवरील कोणतेही अॅप किंवा तुमच्या फोनवरील कोणत्याही अज्ञात स्रोताद्वारे कोणतेही अॅप डाउनलोड करू नका. अनोळखी लोकांनी पाठवलेल्या मेल्स आणि मेसेजमधील कोणत्याही लिंकवर क्लिक करू नका.
याशिवाय तुम्हाला सोशल मीडिया किंवा मेसेज आणि फोनवर मिळणाऱ्या कोणत्याही प्रकारच्या बनावट ऑफरपासून सावध रहा.
याशिवाय बँक खाते क्रमांक, पासवर्ड, एटीएम कार्ड क्रमांक ठेवल्यास किंवा त्याचे छायाचित्र काढूनही तुमची माहिती लीक होण्याचा धोका असल्याचे बँकेने म्हटले आहे. यासोबतच तुमचे खातेही पूर्णपणे रिकामे होऊ शकते.
स्टेट बँकेच्या म्हणण्यानुसार, देशातील सर्व ग्राहकांनी हे लक्षात ठेवावे की, तुम्ही सार्वजनिक इंटरनेटचा वापर पैशाचे व्यवहार करण्यासाठी करू नये. यामध्ये तुमची वैयक्तिक माहिती लीक होण्याची भीती नेहमीच असते.
गेल्या वर्षी लॉकडाऊन लागू झाल्यापासून, फसवणुकीच्या घटनांमध्ये लक्षणीय वाढ झाली आहे, त्यामुळे बँक वेळोवेळी आपल्या ग्राहकांना सतर्क करत असते आणि सल्ला देत असते.