सरकारी कर्मचाऱ्यांना दिवाळी गिफ्ट:महागाई भत्त्यात वाढ

नवी दिल्ली : केंद्र सरकारने सरकारी कर्मचाऱ्यांसाठी मोठी घोषणा केली आहे. सरकारने दिवाळीच्या आधी केंद्रीय कर्मचाऱ्यांच्या महागाई भत्त्यात 3 टक्क्यांनी वाढ केली आहे. म्हणजेच महागाई भत्ता 31 टक्के इतका मिळणार आहे. त्याचा फायदा एक कोटीहून अधिक केंद्रीय कर्मचाऱ्यांना आणि पेंशनधारकांना मिळणार आहे. 

1 जुलैपासून लागू होणार घोषणा

केंद्र सरकारने घोषणा केली की, महागाई भत्त्यामध्ये पुन्हा 3 टक्क्य़ांची वाढ करण्यात आली आहे. सरकारने याआधी हा भत्ता 11 टक्क्यांनी वाढवून 28 टक्के केला होता. नुकताच जारी करण्यात आलेला महागाई भत्ता 1 जुलै पासून लागू करण्यात येणार आहे.