बीड जिल्ह्यात आज 20 पॉझिटिव्ह रुग्ण:राज्यात 3206 तर देशात 28326 रुग्णांची नोंद

बीड जिल्ह्यात आज दि 27 रोजी प्राप्त झालेल्या अहवालामध्ये बीड जिल्ह्यातील 1830 जणांच्या तपासण्या करण्यात आल्या होत्या. त्यात 20 जण कोरोना पॉझिटिव्ह असल्याचे निष्पन्न झाले तर 1810 जणांचा अहवाल निगेटिव्ह आला आहे

आजच्या अहवालात आढळलेले रुग्ण

जिल्ह्यात अंबाजोगाई 1 आष्टी 1 बीड 9 गेवराई 1 धारूर 2 पाटोदा 5,शिरूर 1 असे रुग्ण आढळून आले आहेत

राज्यात ३ हजार २०६ नवीन रुग्णांचे निदान

मुंबई: राज्यात करोना (Coronavirus) बाधित मृतांच्या सख्येत मोठी घट पाहायला मिळाली आहे. तसेच दैनंदिन रुग्णसंख्येत देखील घट झाली आहे. एकूण सक्रिय रुग्णांची संख्या देखील घटल्याने राज्यातील करोना संसर्गाची कालची स्थिती दिलासादायक आहे. तर दिवसभरात बरे होणाऱ्या रुग्णांची संख्या मात्र कालच्या तुलनेच किंचित घटली आहे. राज्याच्या आरोग्य विभागाने दिलेल्या माहितीनुसार,रविवारी दिवसभरात राज्यात ३ हजार २०६ इतक्या नव्या रुग्णांची नोंद झाली आहे. शनिवारी ही संख्या ३ हजार २७६ इतकी होती. तर काल दिवसभरात एकूण ३ हजार २९२ रुग्ण बरे होऊन घरी गेले आहेत. (maharashtra registered 3206 new cases in a day with 3292 patients recovered and 36 deaths today)
काल राज्यात झालेल्या ३६ रुग्णांच्या मृत्यूंनंतर राज्याच्या मृत्यूदर २.१२ टक्क्यांवरच स्थिर आहे. याबरोबर राज्यात आतापर्यंत एकूण ६३ लाख ६४ हजार ०२७ रुग्ण बरे झाले आहेत. यामुळे राज्यातील रुग्ण बरे होण्याचे प्रमाण ९७.२४ टक्के इतके झाले आहे.
आज राज्यातील एकूण सक्रिय रुग्णांची संख्या ३७ हजार ८६० इतकी आहे.

देशात २८,३२६ नव्या कोरोनाबाधितांची नोंद

नवी दिल्ली: गेल्या २४ तासांत देशात २८,३२६ नव्या कोरोनाबाधितांची नोंद झाली आहे. तर २६० जणांचा मृत्यू झाला आहे. तसेच गेल्या २४ तासांत २६,०३२ जणांनी कोरोनावर मात केली आहे. आतापर्यंत एकूण ३,२९,०२,३५१ जण कोरोनामुक्त झाले आहेत.

कोरोना महामारीच्या सुरुवातीपासून आतापर्यंत एकूण तीन कोटी ३६ लाख ५२ हजार रुग्णांना कोरोनाची लागण झाली आहे. यापैकी ४ लाख ४६ हजार ९१८ रुग्णांचा मृत्यू झाला आहे. महत्त्वाची बाब म्हणजे, आतापर्यंत ३ कोटी २९ लाख २ हजार रुग्ण आतापर्यंत कोरोनामुक्त झाले आहेत. तर देशात कोरोनाच्या सक्रिय रुग्णांची संख्या तीन लाखांच्या जवळपास आहे. एकूण ३ लाख ३ हजार रुग्ण अद्यापही कोरोनावर उपचार घेत आहेत.

(वरील कोरोना अपडेट हे गेल्या 24 तासातील आहे)