घाबरण्याचे कारण नाही:बीड जिल्ह्यातील 875 रुग्ण कोरोनामुक्त झाले

बीड- जिल्ह्यात कोरोना रुग्णांची संख्या वाढत आहे त्याच तुलनेत बऱ्या होणाऱ्या रुग्णांची संख्या देखील अधिकच आहे,नागरिकांनी घाबरण्याचे काहीही कारण नाही आरोग्य कर्मचाऱ्यांच्या आणि डॉक्टरांच्या अथक प्रयत्नातून शेकडो रुग्ण बरे होऊन घरी जात आहे आज तब्बल 875 रुग्ण कोरोना मुक्त झाले आहेत त्यांना आजच डिस्चार्ज देण्यात आला आहे

बीड जिल्ह्याचा रिकव्हरी रेट 86.21 टक्के इतका आहे सध्या बीड जिल्ह्यात 3847 बेड शिल्लक असून सध्या 5363 रुग्णांवर उपचार सुरू आहेत बीड जिल्ह्यात 112 ठिकाणी रुग्णांची व्यवस्था करण्यात आली असून 9210 बेड बीड जिल्ह्यात आहेत, जिल्हा प्रशासनाने शासकीय रुग्णालय याबरोबरच जिल्ह्यातील मोठमोठे खाजगी दवाखाने रुग्णांसाठी आरक्षित केले आहेत

बीड जिल्ह्यात आतापर्यंत 44860 बाधित रुग्णांची संख्या असून यापैकी 38677 रुग्ण कोरोना मुक्त झाले आहे आता बीड जिल्ह्याचा पॉझिटिव रेट 12.47 टक्के इतका आहे जिल्ह्याची रुग्ण वाढ दिसत असली तरी करोना मुक्त होणाऱ्या रुग्णांची संख्या देखील समाधान कारक आहे आज पुन्हा नवीन 3 कोविड केअर सेन्टर उपलब्ध करण्यात आले आहेत सध्या जिल्ह्यात 112 ठिकाणी कोविड केअर सेंटरवर उपचारासाठी सुविधा तयार करण्यात आली आहे,सर्वांनी प्रशासनाचे नियमांचे पालन करावे,आपली आपल्या माणसांची काळजी घ्यावी