गेवराई जवळ कार आणि ऑईल टँकरचा भीषण अपघात:4 जणांचा मृत्यू

बीड: जिल्ह्यातील गेवराई जवळ कार आणि ऑईल टँकरचा भीषण अपघात झाल्याची घटना घडली आहे. या अपघातात वंचित बहुजन आघाडीच्या 4 पदाधिकाऱ्यांचा जागीच मृत्यू झाल्याची झाला आहे. औरंगाबादकडे जात असताना वंचितच्या पदाधिकाऱ्यांच्या गाडीला भीषण अपघात झाला. या अपघातात 4 पदाधिकाऱ्यांचा मृत्यू झाला आहे. गेवराई बायपास जवळ झालेल्या अपघातातील सर्व पदाधिकारी लातूरचे रहिवासी आहेत.गेवराई शहरापासून दोन किमी अंतरावर असणा-या बायपासजवळ कारचा भीषण अपघात झाला.

अपघातात वंचित बहुजन आघाडीच्या 4 पदाधिकाऱ्यांचा मृत्यू झाल्याची माहिती असून एक जण गंभीर जखमी आहे. अपघातात मृत्यू झालेले सर्व पदाधिकारी लातूरचे रहिवासी असल्याची माहिती आहे. ते लातूरहून बीड मार्ग औरंगाबादकडे जात होते.

हा अपघात कारचालकाचा ताबा सुटल्याने झाला आहे. चालकाचा ताबा सुटल्याने कार ऑइल टँकरला जाऊन धडकली. या भीषण अपघातात 4 जनाचा मृत्यू झाला आहे.मृतांची नावे अद्याप समजलेली नाहीत. एका जखमीवर बीडमध्ये उपचार सुरू आहेत. अपघातग्रस्त कारवरुन गाडीतून प्रवास करणाऱ्या व्यक्ती वंचित बहुजन आघाडीचे पदाधिकारी असल्याचे स्पष्ट झाले.

अपघाताची माहिती मिळाल्यानंतर पोलिसांनी घटनास्थळी धाव घेतली. हा अपघात इतका भीषण होता की कारचा चक्काचूर झाला. पोलिसांनी क्रेन बोलावून कार बाजूला केली.