सौ.पूजा राहुल रेखावार यांनी साकारला पर्यावरणपूरक श्री.गणेश !

बीड/ वार्ताहर
जिल्हाधिकारी राहुल रेखावार यांच्या सुविद्य पत्नी सौ.पूजा रेखावार यांनी ही पर्यावरणपूरक गणेश मूर्ती स्वहस्ते साकारली असून याच मूर्तीची प्रतिष्ठापना त्यांच्या निवासस्थानी करण्यात येणार आहे.यानिमित्ताने जिल्हाधिकाऱ्यांनी स्वतः पर्यावरण रक्षणाचा आदर्श घालून दिला आहे.
विद्यमान परिस्थितीत सामाजिक अंतर राखतांनाच पर्यावरण रक्षण हा मुद्दाही महत्वाचा ठरत आहे.बीड जिल्ह्यात प्रशासकीय यंत्रणा करोना प्रतिबंधाच्या कामाला जोमाने लागलेली असतांनाच श्री गणेशाचे घरोघरी आगमन होत आहे तर मर्यादित उपस्थितीत सार्वजनिक गणेशोत्सव साजरा केला जाणार आहे.प्लॅस्टर ऑफ पॅरिसच्या वाढत्या वापरामुळे पर्यावरणाला धोका निर्माण झाला असून मूर्त्यांचे पावित्र्यही राखले जात नाही,या पार्श्वभूमीवर घरोघरी शाडूच्या पर्यावरणपूरक मूर्ती तयार करून त्याची प्रतिष्ठापना करावी यादृष्टीने जनप्रबोधन केले जात आहे. बीडचे जिल्हाधिकारी राहुल रेखावार यांच्या पत्नी सौ.पूजा यांनी स्वहस्ते शाडूची आकर्षक श्री गणेश मूर्ती तयार केली असून याच मूर्तीची त्यांच्या निवासस्थानी प्रतिष्ठापना केली जाणार आहे.सौ.पूजा राहुल रेखावार यांच्या मूर्तिकलेचे आणि पर्यावरण रक्षणाच्या संदेशाचे कौतुक व स्वागत होत आहे.