बोगस बियाणे विक्री प्रकरणी बीड जिल्ह्यामध्ये तीन कंपन्यावर गुन्हे दाखल

बीड-सोयाबीनच्या बोगस बियाणे प्रकरणे बीड जिल्ह्यामध्ये एकूण तीन कंपन्यावर गुन्हे दाखल झाले आहेत. राज्यात बहुतांश जिल्ह्यातून सोयाबीन न उगवल्याच्या तक्रारी आल्या होत्या यात एकट्या बीड जिल्ह्यातून जवळपास तीन हजार शेतकऱ्यांच्या तक्रारी आल्या होत्या. या अनुषंगानं ग्रीन गोल्ड कंपनीवर परळीमध्ये तर जानकी व यशोदा या कंपन्यावर बीड शहरामध्ये गुन्हा दाखल करण्यात आला आहे. परळी तालुक्यातून अनेक शेतकऱ्यांनी सोयाबीन बियाणे उगवले नसल्याच्या तक्रारी केल्या होत्या. याच अनुषंगानं परळी तालुका कृषी अधिकारी अशोक सोनवणे यांच्या फिर्यादीवरून ग्रीन गोल्ड सीड्स औरंगाबादच्या कंपनीवर फसवणुकीचा गुन्हा दाखल झाला आहे याच प्रमाणे बीड शहर पोलीस स्टेशनमध्ये अकोल्याच्या जानकी सीड्स अँड रिसर्च प्रायव्हेट लिमिटेड व हिंगणघाट वर्धा इथल्या यशोदीप हायब्रीड सीड्स या कंपन्या वरती सुद्धा फसवणुकीचे गुन्हे दाखल झाले आहेत