वीज कोसळून वडवणीत बहिण-भावाचा दुर्देवी मृत्यू

बीड, दि.१२ (प्रतिनिधी)- शुक्रवारी बीड जिल्ह्यात वादळी वारा आणि जोराचा पाऊस सुरू होता. या कालावधीत वीज कोसळून वडवणी तालुक्यातील मोरवड येंथील बहिण-भावाचा दुर्देवी मृत्यू झाला आहे.
वडवणी तालुक्यातील मोरवड येथील विष्णू अशोक अंडील (१७). पुजा अशोक अंडील (१५) हे आपल्या शेतामध्ये गेले असताना जोराचा पाऊस सुरू झाला. त्यावेळी वादळी वा-यासह विजेचा कडकडाट सुरू झाला आणि वीज कोसळून या दोन्ही बहिण-भावांचा दुर्देवी मृत्यू झाला. या घटनेने मोरवड गावामध्ये शोककळा पसरली आहे.