उद्यापासून पोलीस पाटील भरतीच्या मुलाखती

बीड : पोलीस पाटील भरती मुलाखती आज दिनांक २७ फेब्रुवारीपासून

बीड दि. 26 ( जिमाका ):- बीड उपविभागातील पोलीस पाटील पदासाठी रिक्त असलेल्या एकूण 434 पदांसाठी दि. २२ फेब्रुवारी २०२६ रोजी लेखी परीक्षा घेण्यात आली होती.
या परीक्षेसाठी एकूण १८५९ उमेदवारांची बैठक क्रमांकानुसार यादी दि. २६ फेब्रुवारी २०२६ रोजी प्रसिद्ध करण्यात आली असून ती
https://beedpp.recruitonline.in
या संकेतस्थळावर उपलब्ध आहे.

दि. २७ फेब्रुवारी २०२६ ते १० मार्च २०२६ या कालावधीत लेखी परीक्षेत उत्तीर्ण उमेदवारांच्या मुलाखती घेण्यात येणार आहेत.
या मुलाखती समाजकल्याण कार्यालय, नगर रोड, बीड येथे आयोजित करण्यात आल्या असून मुलाखतीदरम्यान उमेदवारांसाठी राहण्याची व्यवस्था करण्यात आलेली आहे.
मुलाखतीच्या पहिल्या दिवशी १०० तर दुसऱ्या दिवसापासून दररोज २०० परीक्षार्थींना बोलाविण्यात येणार आहे. मुलाखतीच्या ठिकाणी कोणताही अनुचित प्रकार घडू नये यासाठी पोलीस बंदोबस्त ठेवण्यात येणार आहे. संपूर्ण प्रक्रिया समितीमार्फत पारदर्शक पद्धतीने राबविण्यात येणार असून कोणत्याही अफवा अथवा गैरसमजांना बळी पडू नये, असे आवाहन प्रशासनाकडून करण्यात आले आहे.