मी थोड्या दिवसाचा पाहुणा-जरांगे पाटील भावुक तर आमचे ताट ओढू नका-मंत्री पंकजा मुंडे

आपण हयात असेपर्यंत मराठा समाजाच्या लेकरांना आरक्षण मिळाल्याचे पाहायचे आहे,”मी थोड्या दिवसाचा पाहुणा आहे,”असे सांगत मराठा योध्दा मनोज जरांगे पाटील यांनी मराठा समाजाला आता मागे न हटण्याचे आवाहन केले आहे,भाषणादरम्यान ते भावुक झाल्याचेही दिसले तर नगद नारायणाच्या दर्शन प्रसंगी देखील डोळ्यात अश्रू दिसत होते

जरांगे-पाटील म्हणाले की, मराठा समाजाने ७५ वर्षांची लढाई जिंकून जीआर (शासकीय निर्णय) मिळवला आहे. त्यामुळे आता त्यांना कोणतीही चिंता वाटत नाही. “मी माझ्या जीवनात येऊन जे काही सिद्ध करायचे होते, ते सिद्ध केले आहे,” असे ते म्हणाले. गरीब मराठा समाज होरपळताना दिसत नव्हता, म्हणूनच आपण हे काम हाती घेतले. आपल्या या लढ्यात कधीतरी मागे सरकलो असेल किंवा एखादी चूक झाली असेल, पण आपण कधीही नाटक केले नाही किंवा खोटे बोललो नाही. समाजाचा हट्ट आणि इच्छा पूर्ण करण्यासाठी आपण रात्रंदिवस झटत राहिलो. त्यांनी ६ कोटी मराठा लेकरांना सुखी आणि समाधानी राहण्याचे आवाहन केले.

आमच्या ताटातील ओढून घेऊ नका-मंत्री पंकजाताई मुंडे

भगवानगडावरील दसरा मेळाव्यातून मंत्री पंकजा मुंडे यांनी आरक्षणावर मोठे भाष्य केलं. राज्यात रक्तबिजासारखा जातीयवादी राक्षस उभे झाल्याचं विधान त्यांनी केलं होतं.

यावेळी मंत्री पंकजा मुंडे यांनी मराठा आरक्षण, ओबीसी आरक्षणावर त्यांनी भाष्य केले. मुंडे साहेबांनी जो वसा आणि वारसा दिला. तो पुढे नेईन. पण तुम्हाला मान खाली घालायला लावू देणार नाही. सत्तेत असो नसो. मी आठरा पगड जातीच्या लोकांसाठी मी लढणार आहे. काल बराडे धनगर आरक्षणासाठी बसले होते. मी त्यांच्याजवळ होते. गोपीनाथ मुंडेंनी मराठा आरक्षणाला विरोध केला नाही. आमचाही नाही. पण आमच्या ताटातून ओढून घेऊ नका ही विनंती आहे, असे वक्तव्य मंत्री मुंडे यांनी केले.

नऊ दिवस आम्ही देवीची पूजा केली. या देवींनी महिषासुर, रक्तबिजासारखा राक्षस संपवून टाकला आहे हे सांगताना त्यांनी आज रक्तबीजासारखा राक्षस जन्माला आलाय. तुमच्या मेंदूत जन्माला आला. चुकीच्या निर्णयातून, संदेशातून अनेक राक्षस उभे राहतात. जातीचे राक्षस, धर्मवादाचे राक्षस आहे, असे वक्तव्य पंकजा मुंडे यांनी केले. तर देवीला प्रार्थना करते हे राक्षस नष्ट करण्याची शक्ती दे, अशी विनंती मंत्री पंकजा मुंडे यांनी केली.