ड्रायव्हिंग लायसन्स आधारशी कसे लिंक कराल?प्रक्रिया का गरजेची आहे?

परिवहन मंत्रालयाने सर्व ड्रायव्हिंग लायसन्स धारकांना त्यांचा मोबाइल नंबर आधार कार्डशी लिंक करण्याचे आवाहन केले आहे. यामुळे ई-चालान, वाहन हस्तांतरण, विमा नूतनीकरण यासारख्या सेवा अखंडितपणे मिळण्यास मदत होईल.
ही प्रक्रिया ऑनलाइन पद्धतीने अगदी मिनिटांत पूर्ण करता येते. चला, जाणून घेऊया ही प्रक्रिया कशी पूर्ण करायची…

परिवहन मंत्रालयाने (MoRTH) नुकताच एक संदेश सर्व ड्रायव्हिंग लायसन्स धारकांना आणि वाहन मालकांना पाठवला आहे. संदेशात म्हटले आहे, “सर्व लायसन्स धारकांना विनंती आहे की, त्यांनी त्यांचा मोबाइल नंबर आधार प्रमाणीकरणाद्वारे जोडावा/अपडेट करावा. कृपया parivahan.gov.in या पोर्टलला भेट द्या आणि ऑनलाइन प्रक्रिया पूर्ण करा. जर आधीच केले असेल, तर दुर्लक्ष करा.”

हा संदेश देशभरातील वाहन मालकांना आणि लायसन्स धारकांना त्यांचा मोबाइल नंबर आधारशी प्रमाणित करण्यासाठी पाठवण्यात आला आहे. यामुळे परिवहन सेवांचा लाभ सुलभपणे मिळेल आणि बनावट कागदपत्रांवर आळा बसेल. आधारशी जोडलेला मोबाइल नंबर असल्यास चालान, वाहन नोंदणी, विमा नूतनीकरण यासारख्या सेवांची माहिती थेट तुमच्या फोनवर मिळेल.

मोबाइल नंबर कसा अपडेट कराल?
मोबाइल नंबर अपडेट करण्यासाठी खालील पायऱ्या फॉलो करा:

-पोर्टलवर जा:parivahan.gov.in या संकेतस्थळाला भेट द्या.
-पर्याय निवडा: ‘Update Mobile Number via Aadhaar’ हा पर्याय निवडा.
-तपशील भरा: तुमचे वाहन नोंदणी क्रमांक, जन्मतारीख, चेसिस क्रमांक इत्यादी माहिती भरा.
-आधार व्हेरिफिकेशन: आधारशी जोडलेल्या मोबाइल नंबरवर येणारा OTP टाकून पडताळणी करा.
-सबमिट करा: माहिती तपासून सबमिट करा.

ड्रायव्हिंग लायसन्स आधारशी कसे लिंक कराल?

Sarathi QR कोड स्कॅन करा: पोर्टलवर दिलेला Sarathi QR कोड स्कॅन करा किंवा संबंधित पेजवर जा.
माहिती भरा: ड्रायव्हिंग लायसन्स क्रमांक, जन्मतारीख, राज्याचे नाव आणि कॅप्चा कोड टाका.
आधार OTP पडताळणी: आधारशी जोडलेल्या मोबाइलवर येणारा OTP टाकून पडताळणी पूर्ण करा.
प्रक्रिया पूर्ण करा: ‘Submit’ बटणावर क्लिक करून प्रक्रिया पूर्ण करा.

प्रक्रिया का गरजेची आहे?
जर तुम्ही ही प्रक्रिया पूर्ण केली नसेल, तर भविष्यात चालान, वाहन नोंदणी नूतनीकरण किंवा इतर सेवांमध्ये अडचणी येऊ शकतात. आधारशी जोडलेला मोबाइल नंबर नसेल, तर महत्त्वाच्या सूचना आणि माहिती तुमच्यापर्यंत पोहोचणार नाही. त्यामुळे परिवहन मंत्रालयाने सर्व लायसन्स धारकांना आणि वाहन मालकांना ही प्रक्रिया लवकरात लवकर पूर्ण करण्याचे आवाहन केले आहे. जर तुम्ही यापूर्वीच ही प्रक्रिया पूर्ण केली असेल, तर तुम्हाला काही करण्याची गरज नाही. अन्यथा, आजच parivahan.gov.in ला भेट द्या आणि मिनिटांत तुमचे ड्रायव्हिंग लायसन्स आधारशी लिंक करा!