प्रधानमंत्री पीक विमा योजनेस 30 ऑगस्टपर्यंत मुदतवाढ

बीड दि. 05 ( जिमाका ): प्रधानमंत्री पीक विमा योजना खरीप हंगाम 2025 मध्ये प्रधानमंत्री पीक विमा योजना बीड जिल्हयांत राबविण्यात येत असून या योजनेत कर्जदार व बिगर कर्जदार शेतक-यांनी सहभाग घेण्याची अंतिम मुदत दिनांक 31 जुलै, 2025 अशी होती. बीड गत वर्षीच्या तुलनेत कमी सहभागी, शेतकऱ्यांकडे AgriStack फार्मर आय डी नसणे, PMFBY पोर्टल सेवेतील व्यत्यय आधार (UIDAI) व CSC सर्व्हरवरील व्यत्यय राज्याच्या पोर्टलच्या तांत्रिक/सेवेतील व्यत्याय इत्यादीमुळे शेतकऱ्यांना योजनेत सहभागावर होणारा परिणाम लक्षात घेऊन केंद्र शासनाने दि. 01 ऑगस्ट, 2025 रोजीच्या पत्रातील निर्देशानुसार योजनेत बिगर कर्जदार शेतकऱ्यांना सहभागी होण्यासाठी 14 ऑगस्ट, 2025 कर्जदार शेतकऱ्यांना 30 ऑगस्ट, 2025 पर्यंत विशेष बाब म्हणून मुदतवाढीस मान्यता दिली आहे.

तरी जिल्ह्यातील विमा भरण्यापासून वंचित राहिलेल्या सर्व बिगर कर्जदार शेतकरी बांधवांनी तात्काळ आपल्या पिकाचा विमा 14 ऑगस्ट 2025 पूर्वी आणि कर्जदार शेतकरी यांनी 30 ऑगस्ट 2025 पूर्वी भरून घ्यावा, असे आवाहन जिल्हा अधिक्षक कृषी अधिकारी सुभाष साळवे यांनी केले आहे.