1 ऑगस्टपासून UPI व्यवहारांवर नवे नियम लागू; बॅलन्स तपासणी, AutoPay यावर मर्यादा

दि. १ ऑगस्ट २०२५ पासून नवे UPI नियम लागू होणार आहेत, ज्यामुळे व्यवहारांवर काही मर्यादा घालण्यात येणार आहेत. NPCI (नॅशनल पेमेंट्स कॉर्पोरेशन ऑफ इंडिया) ने हे नियम जारी केले असून, UPI नेटवर्कवरील ताण कमी करण्याचा उद्देश आहे.

कोणते नियम लागू होणार?

१. Balance Check वर मर्यादा :
आता तुम्ही दिवसातून फक्त ५० वेळा बॅलन्स तपासू शकता.

२. बँक खात्यांची यादी (Account List) :
मोबाईल नंबरशी लिंक असलेल्या बँक खात्यांची माहिती तुम्ही फक्त २५ वेळाच पाहू शकता.

३. Transaction Status तपासणी :
एकाच व्यवहाराची स्थिती (status) दिवसाला केवळ ३ वेळा तपासता येईल आणि दोन तपासण्यांमध्ये किमान ९० सेकंदांचे अंतर असणे आवश्यक आहे.

४. AutoPay व्यवहारांवर निर्बंध :
Recurring पेमेंट्स (सबस्क्रिप्शन, EMI, Bill Payments) आता फक्त non-peak hours मध्येच पूर्ण होतील.
Peak Hours सकाळी १० ते दुपारी १ आणि संध्याकाळी ५ ते रात्री ९:३० या वेळेत AutoPay व्यवहार होणार नाहीत.

हे नियम का आणले?

NPCI नुसार, काही वापरकर्ते एकाच दिवशी शेकडो वेळा बॅलन्स, खाते यादी आणि व्यवहार तपासत होते. त्यामुळे सर्व्हरवर जास्त लोड येत होता आणि UPI सेवा स्लो होत होती किंवा काही वेळासाठी ठप्प होत होती. ही समस्या टाळण्यासाठी हे API कॉल्सवर मर्यादा आणण्याचा निर्णय घेण्यात आला आहे.

याचा परिणाम कोणावर होईल?

सामान्य वापरकर्त्यांवर फारसा परिणाम होणार नाही, पण जास्त वापर करणाऱ्यांना मर्यादा पाळाव्या लागतील. व्यवसायिक किंवा दुकानदार, जे वारंवार व्यवहार तपासतात, त्यांना या नव्या नियमांची सवय लावावी लागेल.AutoPay वापरणाऱ्यांनी त्यांचे व्यवहार non-peak hours मध्ये सेट करावेत, नाहीतर पेमेंट अयशस्वी होऊ शकते.

वापरकर्त्यांनी काय करावे?

१. बॅलन्स व स्टेटस तपासणी अति करणे टाळा.

२. AutoPay वेळा योग्य रीतीने ठरवा.

३. जास्त API कॉल्स टाळून अ‍ॅपचा वापर सुयोग्य पद्धतीने करा.

NPCI चे हे नवीन नियम १ ऑगस्ट २०२५ पासून लागू होतील आणि UPI सेवा अधिक सुरळीत आणि स्थिर ठेवण्यासाठी उपयुक्त ठरतील. PhonePe, Google Pay, Paytm वापरणाऱ्या प्रत्येकाने हे बदल लक्षात घेणे आवश्यक आहे, अन्यथा व्यवहारात अडथळे येऊ शकतात.
ही नियमावली सर्व UPI अ‍ॅप्सवर लागू होणार आहे. कोणतेही अ‍ॅप वापरत असलात तरी या मर्यादा लागू होतील