ग्रामपंचायत निवडणूकीचा धुरळा;आज मतदान

राज्यातील साडेसात हजार ग्रामपंचायतींच्या निवडणुकांसाठी आज, रविवारी मतदान होत आहे. ग्रामपंचायतींच्या या निवडणुका राजकीय पक्षांच्या निवडणूक चिन्हावर लढवल्या जात नसल्या तरी या निवडणुकांमध्ये सर्वच राजकीय पक्षांनी सहभाग घेतला आहे. निवडणुकीच्या प्रचाराची संपूर्ण सूत्रे स्थानिक सत्ताधारी व विरोधी पक्षांच्या आमदारांच्या हातात होती. त्यामुळे या निवडणुकीला राजकीय रंग चढला आहे.

गेल्या आठवड्याभरापासून या निवडणुकीचा प्रचार सुरू होता. जवळपास सर्वच राजकीय पक्षांनी आपली ताकद पणाला लावली आहे. या निवडणुकीत आपले वर्चस्व दाखवून देण्यासाठी मुख्यमंत्री एकनाथ शिंदे यांनीही कसर सोडलेली नाही. आपल्या समर्थक आमदारांना त्यांच्या मतदारसंघातील अधिकाधिक ग्रामपंचायती ताब्यात घेण्यासाठी जोरदार प्रचार करण्याच्या सूचना त्यांनी दिल्या आहेत. त्यामुळे या निवडणुकीकडे सर्वांचे लक्ष लागून राहिले आहे. उद्या, रविवारी सकाळी ७.३० ते सायंकाळी ५.३० या वेळेत मतदान होणार आहे. नक्षलग्रस्त भागात दुपारी ३ वाजेपर्यंतच मतदानाची वेळ असेल. तर, मंगळवारी, २० डिसेंबर रोजी मतमोजणी होणार आहे.

ग्रामपंचायतींची जिल्हा व तालुकानिहाय संख्या
अहमदनगर – २०३, अकोला – २६६, अमरावती – २५७, औरंगाबाद – २१९, बीड – ७०४, भंडारा – ३६३, बुलडाणा – २७९, चंद्रपूर – ५९, धुळे – १२८, गडचिरोली – २७, गोंदिया – ३४८, हिंगोली – ६२, जळगाव – १४०, जालना – २६६, कोल्हापूर – ४७५, लातूर – ३५१, नागपूर – २३७, नंदुरबार – १२३, उस्मानाबाद – १६६, पालघर – ६३, परभणी – १२८, पुणे – २२१, रायगड – २४०, रत्नागिरी – २२२, सांगली – ४५२, सातारा – ३१९, सिंधुदुर्ग – ३२५, सोलापूर – १८९, ठाणे – ४२, वर्धा – ११३, वाशीम – २८७, यवतमाळ – १००, नांदेड – १८१ आणि नाशिक – १९६. एकूण – ७,७५१.