बीडमध्ये खळबळ:भाजपचे शहर अध्यक्ष भगीरथ बियाणी यांची आत्महत्या

भाजपचे बीड शहर अध्यक्ष भगीरथ बियाणी यांनी राहत्या घरात स्वता: वर गोळी झाडून आत्महत्या केली असून या घटनेने शहरात हळहळ व्यक्त करण्यात येत असून आत्महत्येचे कारण मात्र अद्याप समजू शकले नाही

बियाणी यांनी इतक्या टोकाचे पाऊल का उचलले याची माहिती अद्याप समोर येऊ शकली नाही. घटनेची माहिती मिळताच पोलिसांनी घटनास्थळी धाव घेतली आहे. या प्रकरणाचा अधिक तपास पोलीस करत आहे.

पोलिसांनी दिलेल्या माहितीनुसार, भाजपचे शहर अध्यक्ष भगीरथ बियाणी यांनी आज दुपारी आपल्या राहत्या घरी गोळी झाडून हत्या केल्या. गोळीबाराचा आवाज ऐकू आल्यामुळे एकच खळबळ उडाली. बियाणी यांच्या खोलीत जाऊन पाहिले असता ते रक्ताच्या थारोळ्यात पडलेले होते. या घटनेमुळे परिसरात एकच खळबळ उडाली.

बियाणीचे समर्थक आणि भाजपच्या कार्यकर्त्यांनी तातडीने त्यांच्या घराकडे धाव घेतली. घटनेची माहिती पोलिसांना देण्यात आली. घटनेचं गांभीर्य लक्षात घेता पोलिसांनी तातडीने बियाणी यांच्या घरी धाव घेतली.

घटनास्थळी पोहोचल्यानंतर पोलिसांनी बियाणी यांच्या घराची पाहणी केली.

घटनास्थळाचा पंचनामा केल्यानंतर बियाणी यांचा मृतदेह शवविच्छेदनासाठी शासकीय रुग्णालयात पाठवण्यात आला आहे. मात्र, बियाणी यांनी इतक्या टोकाचे पाऊल का उचलले, स्वत: वर गोळी झाडून बियाणी यांनी आत्महत्या का केली, याबद्दल अद्याप कोणतीही माहिती समोर येऊ शकली नाही.