भाजपचे पाच बडे नेते एकाच दिवशी कोरोना पॉझिटिव्ह

नवी दिल्ली : देशभरात कोरोनाचा संसर्ग वाढत असताना, रविवारी (2 जुलै) भाजपच्या पाच मोठ्या नेत्यांना कोरोनाची लागण झाल्याचं समोर आलं आहे. तर उत्तर प्रदेशातील कॅबिनेट मंत्र्याचा कोरोनामुळे मृत्यू झाला. कोरोनाची लागण झालेल्यांमध्ये केंद्रीय गृहमंत्री अमित शाह, कर्नाटकचे मुख्यमंत्री बीएस येडियुरप्पा, तामिळनाडूचे राज्यपाल बनवारीलाल पुरोहित, भाजपचे यूपी प्रदेशाध्यक्ष स्वतंत्र देव आणि उत्तर प्रदेशचे जलशक्ती मंत्री महेंद्र सिंह यांचा समावेश आहे. तर यूपीच्या उच्च व तंत्रशिक्षण मंत्री कमला राणी वरुण यांचं रविवारी निधन झालं.
देशात कोरोनाबाधित रुग्णांची संख्या वाढत असतानाच, देशाचे गृहमंत्री अमित शाह यांचीही कोरोना चाचणी पॉझिटिव्ह आली. केवळ अमित शाहच नाही तर काल दिवसभरात भाजपच्या पाच मोठ्या नेत्यांचे अहवाल पॉझिटिव्ह आले आहेत.