भारतात कोणत्या 5 कंपन्यात चीनची मोठी गुंतवणूक आहे
नवी दिल्ली: भारत आणि चीन यांच्यात सीमेवर तणाव सुरू आहे. अशाच ही गोष्ट देखील जाणून घेणे गरजेचे आहे की चीनमधील कोणत्या कंपन्यांनी भारतातील कंपन्यांमध्ये मोठी गुंतवणूक केली आहे. चीनमधील कंपन्या आणि गुंतवणुकदार भारतासारख्या देशात मोठी गुंतवणूक करतात. यामध्ये आरोग्य सेवा, स्टार्ट अप कंपन्या, मोबाइल गेमिंग, शिक्षण, आर्थिक सेवा अशा क्षेत्राचा समावेश आहे. इंडियन काउंसिल ऑन ग्लोबल रिलेशनशी संबंधित एका थिंट टॅक गेट वे हाऊसद्वारा प्रकाशित रिपोर्टनुसार भारतीय स्टार्टअपमधील कंपन्यांमध्ये चीनमधील कंपन्यांची जवळपास ४ बिलियन इतकी मोठी रक्कम गुंतवली आहे. जाणून घेऊयात चीनने गुंतवणूक केलेल्या भारतातील पाच मोठ्या कंपन्या….
पेटीएम-
पेटीएम ही एक भारतीय इ-कॉमर्स आणि मोबाइलद्वारे पैसे ट्रान्सफर करण्याची सेवा देणारी कंपनी आहे. या कंपनीची कल्पना, प्रेरणा आणि गुंतवणू चीनमधूनच घेण्यात आली. चीनमधील आघाडीच्या अलीबाबा या कंपनीकडून पैसे मिळवणारी पेटीएम ही पहिली भारतीय कंपनी आहे. यातील गुंतवणूक ही ६२५ मिलियनहून अधिक आहे असल्याचे समजते.
हाइक मेसेंजर-
स्मार्टफोनसाठी एक क्रॉस प्लॅटफॉर्म इंस्टट मेसेंजिग सेवा देणारे हाइकमध्ये देखील चीनची गुंतवणूक आहे. चीनमधील आघाडीची इंटरनेट सेवा देणाऱ्या Tencent आणि तायवान मधील फॉक्सकॉन टेक्नोलॉजी ग्रुपने पुढाकार घेऊन हाइक मेसेंजर सुरू करण्यात आले. या कंपनीत चीनची जवळपास १.४ बिलियन डॉलर इतकी गुंतवणूक आहे.
स्नॅपडील-
ही भारतातील सर्वात मोठ्या इ-कॉमर्स कंपनीपैकी एक आहे. यात आतापर्यंत २३ गुंवणूकदारांनी १.५८ बिलियन डॉलर (जवळपास १० हजार ११२ कोटी रुपये) गुंतवले आहेत. यात सॉफ्टबँक, कलारी कॅपिटल, नेक्सस वेंचर्स आणि ईबे इंक यांचा समावेश आहे. तुम्हाला हे वाचून आश्चर्य वाटेल की सॉफ्टबँक ग्रुप ही कंपनी चीनमधील इ कॉमर्समधील दिग्गज अलीबाबा ग्रुप होल्डिंग लिमिटेडमधील सर्वात मोठी शेअरहोल्डर आहे.
ओला-
भारतातील मोबाइल अॅप आधारित वाहतुक सेवा देणारी एक कंपनी आहे. चीनधील दीदी चुइंग या कार अॅप कंपनीने ओलामध्ये गुंतवणूक केली असून आतापर्यंत ओलामध्ये २१ गुंतवणूकदारांनी ८ हजार २०० कोटी रुपये गुंतवले आहेत.
IBIBO आणि मेक माय ट्रिप-
भारतातील सर्वात मोठी ऑनलाइन ट्रॅव्हल कंपनीने काही दिवसांपूर्वी इबीबो ग्रुप विकत घेतला. आता एकाच छताखाली मेक माय ट्रिप, गोइबिबो, रेड बस, राइड आणि राइटस्टे असे मोठे ब्रँड एक आले आहेत. Naspers (दक्षिण आफ्रिका) आणि Tencent (चीनी होल्डिंग कंपनी) चे इबीबोमध्ये अनुक्रमे ९१ टक्के आणि ९ टक्के वाटा आहे.
